《我女朋友係backpacker》
出發之前被問最多既問題除左係你今次去幾耐/第一站去邊呢d開場白之外，最深層次既問題莫過於:你去禁耐，你仔仔點算？
網絡上三不五時都會有文章講識搵一定搵個會自己去旅行既女朋友，話佢地又獨立又有冒險精神又識照顧自己(下刪1000個好處)嗱，我就唔否認我係絕對有呢d特質既，不過食得鹹魚抵得渴，有個成日去旅行既女朋友呢家野，真係有苦自己知。
唔長唔短，原來貶下眼已經三年。大學既時候閒閒地一頭半個月去東歐南美，出黎做左一年野重玩到辭職去旅行，呢個男朋友真係心血少d都唔掂。
你問我地有無因為去旅行而嘈交？話無你都唔信啦。曾經我會唸，自己想做既野同自己愛既人應該點樣去選擇。但最後我發現，如果時地人都配合得岩，有時你根本唔需要選擇。
有follow 我旅行ig: wanderlustkanya既大大，應該都發現我前幾日已經悄悄飛左返香港。的確，無左旅行既我就唔再係我，不過生活入面缺少左你既我亦唔見得完整。
多謝你，雖然好擔心好擔心我，但都比無限信心同信任我；多謝你，雖然有一千萬個唔情願，但都願意放手比我去成為我心目中既自己，成為一個完整既我。我講過最美好既旅程都總會有完結既一日，然而如果一定要係我同你既旅程定一個期限，我希望係 一萬年。
三週年快樂，我愛你。
Search